Ինչու՞ է հարկավոր զբաղվել Այենգար յոգայով:

Քիչ չէ ասված յոգայի օգտակարության մասին, և նրանք, ովքեր կանգնել են յոգայի գորգի վրա՝ արդեն իսկ իրենց մաշկի վրա շոշափել են պրակտիկայի դրական ազդեցությունը: Այսօր մենք ուզում ենք ծանոթացնել ավելի մոտիկից այնպիսի ուղղության հետ, ինչպիսինն է ԱՅԵՆԳԱՐ ՅՈԳԱՆ: Այն ստացել է իր անվանումը հայտնի հնդկացի գուրու Բ.Կ.Ս.Այենգարի անունից: Երիտասարդության տարիներին նա նախընտրում էր մարմնի ամրացմանն ուղղված խիստ և դինամիկ պրակտիկա: Հենց այդպես էլ իր ուսուցիչ՝ Տ. Կրիշմանաչարը սովորեցնում էր զինվորական դասի երիտասարդ արիստոկրատներին: Բայց ժամանակի ընթացքում հասկանալով, որ այդպիսի պրակտիկան արդյունավետ է միայն երիտասարդ և առողջ մարդկանց համար՝ Այենգարը սկսեց ավելի շատ ուշադրություն հատկացնել դիրքի խորը և նուրբ աշխատանքին և ասանաների թերապեվտիկ ազդեցությանը:
Ներկայումս Այենգարի մեթոդով յոգան հանդիսանում է ամենատարածված և պահանջարկ ունեցողներից մեկը աշխարհում: Ու՞մ է այն ամենից հարմար և ինչպե՞ս է այն ունակ առողջությունը կորցրած մարդուն բերել լիարժեք կյանքին: Տվյալ ուղղության առավելությունների և օրգանիզմի վրա իր ազդեցության մասին մենք խոսեցինք բժիշկ-էնդոկրինոլոգ և “ My Yoga Centre” ստուդիայի ուսուցիչ Տաթևիկ Պետրոսյանի հետ:

Տաթևիկ, ասացե՛ք, խնդրեմ, ինչու՞մ են կայանում Այենգարի մեթոդով յոգայի էությունն ու սկզբունքները:

-Այենգար յոգան՝ դասական Հաթհա յոգան է: Մեր կենտրոնում մենք պարապում ենք Շրի Բ.Կ.Ս. Այենգարի մեթոդով: Լինելով ներգրավված ըստ 2004 թ. «Թայմ» ամսագրի հարյուր ամենաազդեցիկ մարդկանց ցանկում՝ Այենգարը նեկայացրեց ավանդույթի շրջանակներում նորարարություն: Իր մեթոդը առանձնանում է մարմնի շատ հստակ, չափազանց մանրակրկիտ դասավորումը ասաններում, ինչի շնորհիվ մարդը հասնում է խորը ֆիզիոլոգիական և հոգեբանական արդյունքի: Պարապմունքների ժամանակ անհրաժեշտության դեպքում օգտագործվում են այլ օժանդակ իրեր(props). գորգեր, գլանաձև բարձեր (բոլսթերներ), աղյուսներ, գոտիներ, վերմակներ և այլ շատ պարագաներ, ինչը տարբեր պատրաստվածության մարդկանց թույլ է տալիս կատարել ճիշտ դիրք, որը կունենա դրական առողջարար ազդեցություն օրգանիզմի վրա: Մեթոդի մյուս բնորոշ հատկությունը՝ յուրաքանչյուր դիրքի մանրամասն և մանրակրկիտ բացատրությունն է և անհատական մոտեցումը պրակտիկա անցնող յուրաքանչյուրին:

Ինչպե՞ս է Այենգար յոգան ազդում մարդու վրա:

-Մարդկանց մեծ մասը գալիս են յոգայի ամուր առողջություն ունենալու համար: Լինի դա ֆիզիկական առողջություն, էմոցիոնալ, հոգու կամ մտքի առողջություն: Յոգան կարող է լուծել, կարելի է ասել, բոլոր խնդիրները՝ կապված առողջության հետ: Իսկ եթե նույնիսկ ինչ-որ հիվանդություն այն չի հաղթահարում, ապա օգնում է փոխել մեր վերաբերմունքը նրա նկատմամբ և այդպիսով թեթևացնում է մեր վիճակը: Ի տարբերություն արևմտյան բժշկության՝ յոգան այլ կերպ է մոտենում այն հարցին, թե ինչ է մտնում «առողջություն» հասկացության մեջ: Բ.Կ.Ս. Այենգարը իր «Յոգա՝ ճանապարհ դեպի առողջություն» գրքում գրում է. « Լինել առողջ՝ դա դեռ չի նշանակում չհիվանդանալ: Առողջությունը ենթադրում է կատարյալ հավասարակշռություն և ներդաշնակություն օրգանիզմի հյուսվածքների, հոդերի, մկանների, բջիջների, նյարդերի, գեղձերի և բոլոր համակարգերի միջև: Առողջությունը՝ դա մարմնի և մտքի, գիտակցության և հոգու կատարյալ հավասարակշռությունն է»:

Ինչպե՞ս են անցնում ձեր պարապմունքները: Արդյո՞ք գոյություն ունեն առանձնահատկություններ:

— -Դասական Հաթհա յոգայից Այենգար յոգան ունի երկու հիմնական տարբերություններ, որոնք կայանում են նրանում, որ, առաջին հերթին, յուրաքանչյուր աշակերտին մանրամասն բացատրում են յուրաքանչյուր ասանայի կատարման նշանակությունն ու տեխնիկան, իսկ այնուհետև հատուկ իրերի օգնությամբ հասնում իդեալական կատարման:
Այենգարի մեթոդը շատ մեծ ուշադրություն է հատկացնում մի կողմից՝ ճշգրտությանը, մյուս կողմից՝ պրակտիկայի անհատականացմանը: Գուրուջի Այենգարը իր մեթոդի ինտենսիվ բնույթը բացատրում է նրանով, որ յոգայի պրակտիկայի օգնությամբ մենք պետք է հաղթահարենք մեր բացասական մղումները ինչպես ֆիզիկական, այնպես էլ հոգեբանական առումով:
Պարտադիր չէ գերազանց կատարել ասանաները, եթե ձեր մարմինը դեռ չի հարմարվել դրան: Օրինակ, դնել ափերը գետնին, երբ կռանում եք առաջ, ճակատով կպչել ծնկներին կամ կանգնել գլխի վրա: Բայց մարմնի յուրաքանչյուր մասում, բոլոր ներքին օրգաններում պետք է զգացվի աշխատանք: Այդ դեպքում, Այենգարի խոսքերով, յոգայի պրակտիկան փոխակերպում է բացասական մղումները թե՛ մարմնում, թե՛ հոգում:

Տաթևիկ, ի՞նչ է ձեզ համար յոգան: Ձեր տեսանկյունից, ինչու՞ է այն հարմար բոլորին:

-Յոգան կյանքի ի՛մ փիլիսոփայությունն է: Իր օգնությամբ ես ապրում եմ, լուսավորվում, զարգանում, սովորում, պայքարում, փոխվում՝ պարբերաբար սաստելով սեփական էգոն: Հուսով եմ, որ կաճեմ այն գիտակցմանը գործողություններում(intelligence in actions), որտեղ ամեն ինչ հավասակշռված և ներդաշնակ է:
Յոգան հարմար է բոլորին, որովհետև նրանում մարդն՝ շփվում է ինքդ իր հետ: Կյանքի որոշակի հատվածում բոլորին էլ ավելի հետաքրքիր է դառնում շփվել ինքն իր հետ, քան ուրիշների:

Ինչքանո՞վ է Այենգարի մեթոդով յոգան հարմար նրանց, ովքեր ընդհանրապես հեռու են յոգայից և փիլիսոփայությունից:

-Այո՛, միանշանակ Այենգար յոգան հարմար է բոլորին:
Միակ ձևը սեփական փորձով հասկանալ, ինչ է յոգան ընդհանրապես և, մասնավորապես, Այենգար յոգան՝ սկսել պարապել:

Ի՞նչ եք կարծում, սնունդն ու սպորտով զբաղվելը կարևո՞ր դեր են խաղում մարդու առողջացման մեջ:

-Սնունդը՝ դա օրգանիզմի կարևորագույն ֆիզիոլոգիական գործնթացներից է: Սնունդը՝ մեկն է հիմնական բնազդներից, որը ապահովում է մարդու ապրելը:
Սնունդը, անկասկած, էական դեր է խաղում մարդու փոխհարաբերություններում շրջակա միջավայրի և ինքն իր հետ: Ընդ որում, այդ ազդեցութունը փոխադարձ է: Յոգերը կարծում են, որ փոխելով սնունդը, կարող եք ինչ-որ չափով փոխել բնավորությունը: Էլ չենք ասում առողջության և ինքնազգացողության մասին, ինչի վրա սնունդն ազդում է ավելի նկատելի և ռադիկալ ձևով: Սնունդ ընդունելը՝ ոչ միայն սպիտակուցների, ածխաջրերի, միկրոէլեմենտների հավաքածուի սպառումն և կիլոկալորիաների ինչ-որ քանակի ընդունում է: Սնունդ ընդունելը՝ դա նաև որոշակի նուրբ էներգիաների սպառումն է:

 
Ընկերնե՛ր, դուք կարող եք փորձել ինքներդ ձեզ այս ուղղությունում և անձնապես համոզվել վերոհիշյալում:
Ծանոթանալ Տաթևիկ Պետրոսյանի հետ և պարապել իր ղեկավարության ներքո կարող եք « My Yoga Centre» ստուդիայում: